SHBA: Shitjet me pakicë shënojnë rënien më të madhe në dekada

[Kallmeti & Lek Gjoka]

Ekonomistët, optimistë për rritjen e ekonomisë amerikane
Michael Bowman
Zëri i Amerikës
23-10-2009
   

Të dhënat e fundit ekonomike sugjerojnë se ekonomia amerikane do të rritet vitin e ardhshëm pavarësisht nga niveli i lartë papunësisë. Korrespondenti i Zërit të Amerikës Majkëll Baumën sjell hollësi nga Uashingtoni.

Ekonomistët janë dakort se ekonomia amerikane po zgjerohet me 3 përqind në vit gjatë muajve të fundit të vitit, duke shënuar kështu fundin e recesionit që filloi në fund të vitit 2007. Nëse rimëkëmbja ka filluar, fuqia dhe qëndrueshmëria e saj mbetet ende për t’u parë. Megjtihatë treguesit kanë filluar të shfaqen.

Përmasat e aktiviteteve ekonomike u rritën për të gjashtin muaj me radhë në shtator. Indeksi i Bordit të Konferencave në Nju Jork që përfshin treguesit kryesorë ekonomikë u rrit me një përqind muajin e kaluar, i pasuar nga një rritje prej 0,4 përqind në muajin gusht. Indeksi, i cili llogarit faktorë që nga prodhimi industrial e deri tek kërkesa për mallra dhe përqindja e interesave të kredive, shihet si tregues i besueshëm i rrugës që ka marrë ekonomia amerikane.

Ja si shprehet ekonomisti Xhoel Narof:

“Gjashtë muaj rritje në treguesit kryesorë ekonomikë na tregojnë se këtij recesioni po i vjen fundi. Një sërë faktorësh më të gjerë kanë filluar të tregojnë rritje të ekonomisë, dhe kjo tregon se rritja ka filluar.”

Por a do të fillojnë ta ndjejnë amerikanët përmirësimin ekonomik? Ndoshta jo ata miliona vetë që kërkojnë punë. Niveli i papunësisë në Shtetet e Bashkuara është tani 9,8 përqind dhe pritet të kalojë 10 përqindshin gjatë muajve të ardhshëm edhe nëse rritja ekonomike amerikane vazhdon të jetë pozitive. Dje, Departamenti i Punës njoftoi se numri i njerëzve të nxjerrë nga puna kohët e fundit që kanë aplikuar për kompensimet e papunësisë ka arritur në 531 mijë javën e kaluar nga 520 mijë që ishte një javë më parë.

Krye-ekonomisti i Grupit të Shërbimeve Financiare PNC Stjuart Hofman thotë se më pak njerëz po kërkojnë kompensime papunësie në krahasim me muajt e parë të vitit. Megjithatë, kjo rënie nuk është aq e madhe sa të ulë nivelin kombëtar të papunësisë.

“Numri duhet të ulet. Ai ka rënë në krahasim me pranverën e kaluar. Por kjo nuk do të thotë se në tetor kishte shtim të vendeve të punës, ndoshta kishte edhe humbje. Por humbja ishte thjesht më e vogël se në muajt e mëparshëm. Kur të arrijmë nën 500 mijë kompensime papunësie në javë, atëherë besoj se mund të fillojmë të shohim shtim të vendeve të punës, shpresoj nga tre-mujori i parë i vitit të ardhshëm.”

Ndërkohë, korportatat e mëdha amerikane vazhdojnë të njoftojnë fitime më të mëdha seç pritej, duke përfshirë shërbimet e telekomunikacionit si AT&T dhe gjigandin e fast-fudit MekDonalds.

[Kallmeti & Lek Gjoka]

SHBA: Shitjet me pakicë shënojnë rënien më të madhe në dekada
Mil Arsega
Zëri i Amerikës, Uashington
15-08-2009
   

Çmimet e artikujve të konsumit mbetën të pandryshuara në muajin korrik me koston e ulët të energjisë dhe kërkesat në rënie në krye të listës.Sipas një raporti të qeverisë që u publikua dje, ideksi i çmimeve të artikujve të konsumit ka shënuar rënien më të shpejtë në disa dekada.Kjo është një prirje shqetësuese pasi tregon se sa është tronditur besimi i konsumatorëve për ekonominë e vendit.

Sipas sondazhit më të fundit për sentimentin e konsumatorëve, amerikanët më tepër panë se sa blenë artikuj në korrik.

"Unë jam më e kujdesëshme në shpenzime se sa më parë.Gjithmonë më ka pëlqyer të ble, por tani rezervohem më shumë”, thotë një grua.

Disa blerës thonë se tani blejnë vetëm artikujt më të domosdoshëm.

"Jam në gjendje të mirë, por më e kujdesëshme tani, pasi mund ta humbas punën në çdo moment, asgjë nuk është plotësisht e sigurt", thotë kjo vajzë e re.

Kjo është një prirje e re për shumë amerikanë që dikur i përdornin kartat e kreditit pa më të voglin hezitim.Por në këtë situatë investitorët shqetësohen së tepërmi, sepse amerikanët nuk po shpenzojnë sa duhet për t’i dhënë nxitje ekonomisë. Ekspertët thonë se shpenzimet janë tejet të rëndësishme sepse përbëjnë dy të tretat e ekonomisë amerikane. Joe Brusuelas është kryeanalisti i tregut në faqen e Internetit të Mood-it Economy.com.

"Familjet po i shikojnë me kujdes shpenzimet.Askush nuk ka besim se të ardhurat e tyre do të vazhdojnë gjatë dy vjetëve të ardhëshëm”.

Kjo pasiguri është pasqyruar edhe në Wall Street, ku çmimet e aksioneve kanë rënë djeshëm. Rënia e çmimeve të artikujve me pakicë i ka befasuar disa njerëz, duke patur parasysh suksesin e programit qeveritar për të ndihmuar financiarisht konsumatorët të blejnë makina që shpenzojnë më pak karburat, program që solli rrjen e shitjes së automjeve me dy përqind.

Por disa thonë se në fakt ky program mund t’i dëmtojë shitësit. Joseph Feldman është analist i tregut për grupin këshillues Telsey.

"Për mendimin tim ky program po i largon konsumatorët nga artikuj të caktuar, duke dëmtuar disa shitës, si për shembull ata të artikujve elektronikë si televizionët me ekrane të mëdha”.

Raporti i Departamentit amerikan të Punës tregon se pakësimi i shpenzimve rezultoi në rënin dy përqind të çmimeve të artikujve të konsumit që nga viti i kaluar. Ky lajm vjen pas një seri raportesh që tregojnë se numri i shtëpive të mara nga bankat dhe papunësia janë në ngritje.