"Kriza" KiE mbyll takimet

[Kallmeti & Lek Gjoka]

KiE, takime per krizen
22/02/2010 15:25

KiE, takime per krizen
Kryetaret e 5 grupeve politike ne Asamblene Parlamentare te Keshillit te Europes dhe dy bashkeraportuesit per Shqiperine, te kryesuar nga presidenti i asamblese, Mevlyt Cavushollu, e filluan diten me takimin e pare ne Presidence. (UPDATE)

Njoftimi zyrtar i Presidences thote se biseda u perqendrua ne zhvillimin e tryezes politike mes mazhorances dhe opozites, nen drejtimin e presidentit te Republikes.

Ne takim presidenti vuri ne dukje vullnetin politik te paleve, por edhe te tijin per arritjen e nje zgjidhjeje konstruktive.

Kreu i shtetit vuri ne dukje gjithashtu se gjate takimeve, palet u jane referuar ne menyre te vecante pikave te rezolutes se Asamblese Parlamentare.

Sipas njoftimit zyrtar te Presidences, kreu i delegacionit Cavushollu nga ana e tij vleresoi rolin pozitiv te presidentit Topi, duke theksuar se ai eshte udheheqesi dhe njeriu i pare ne Shqiperi qe ka zbatuar rezoluten e miratuar nga Asambleja.

Njoftimi i Presidences thote se ne vijim presidenti Topi dhe anetaret e delegacionit shkembyen mendime dhe pikepamje rreth mundesive te gjetjes se piketakimeve mes mazhorances dhe opozites per zgjidhjen perfundimtare te ngercit politik.

Ky takim i pare me presidentin u pasua sipas nje rendi protokollar, ne nje takim me kryetaren e Kuvendit Jozefina Topalli e me pas me kryeministrin Sali Berisha.

Komunikata e Kuvendit njofton se kryetarja Topalli i beri delegacionit nje ekspoze te zhvillimeve ne Shqiperi pas rezolutes se Asamblese Parlamentare te Keshillit te Europes.

Zonja Topalli vleresoi miratimin e rezolutes dhe i cilesoi zgjedhjet parlamentare te 28 qershorit si procesi me i mire zgjedhor ne Shqiperi.

Njoftomi zyrtar thote se kryetarja e Kuvendit informoi per perpjekjet e saj institucionale per te komunikuar me cdo deputet te opozites, duke i ftuar ata te respektojne Kushtetuten dhe mandatin qe u ka dhene populli.

Kryetarja e Kuvendit informoi gjithashtu edhe per oferten e bere opozites nga mazhoranca per ngritjen e nje komisioni hetimor, i cili mund te funksionoje vetem ne zbatim te Kushtetutes, parimit te ndarjeve te pushteteve dhe vendimit te Gjykates Kushtetuese, perfundon njoftimi zyrtar i Kuvendit.

Ajo qe ra ne sy ne takimin me kryeministrin Berisha ishte tejkalimi i cdo parashikimi kohor. Takimi, i cili zgjati per rreth 1 ore e 40 minuta, u cilesua nga kryeministri ne mbledhjen e grupit parlamentar demokrat, si takim te frytshem dhe te hapur.

Kryeministri beri edhe ai te ditur qendrimin e tij, se eshte i gatshem ta zgjidhe krizen ne frymen e rezolutes. Sipas kryeministrit, ai i ka thene delegacionit te Keshillit te Europes se eshte i hapur per te zgjidhur cdo problem bilateral me Partine Socialiste, qe ne gjuhen e kryeministrit do te thote se nuk mund te dale mbi vendimet e gjykatave.

Takimi i fundit ka qene ai qe eshte zhvilluar ne seline e Partise Socialiste me Edi Ramen, nje takim qe ka zgjatur edhe ai rreth 90 minuta dhe qe duket se i hapi perfundimisht rruge takimit ne Presidence, mes kreut te shtetit, liderit te mazhorances dhe kreut te opozites ne pranine e delegacionit te Keshillit te Europes.

[Kallmeti & Lek Gjoka]

"Kriza" KiE mbyll takimet, nesër  vazhdojnë negociatat
TIRANE–

Ora: 19:34- Delegacioni i KiE përfundon takimet
Pas më tepër se 2 orë bisedime, ka përfunduar takimi në presidencë mes delegacionit të Këshillit të Europës dhe Presidentit Topi, kryeministrit Berisha e kryesocialistit Edi Rama. Të pranishmit kanë dalë nga selia e Presidencës duke mos dhënë asnjë deklaratë për mediat.
Sipas infrmacioneve të publikuara në faqen zyrtare të Presidencës, në këtë takim biseda u përqendrua në tryezën politike të bisedimeve mes mazhoracës dhe opozitës, të zhvilluar nën drejtimin e Presidentit të Republikës, Bamir Topi.

“Parlamentarët e Këshillit të Evropës të kryesuar nga Presidenti Mevlut Kavushoglu e informuan Kreun e shtetit shqiptar rreth rezultateve të takimeve të tyre të zhvilluara gjatë gjithë ditës me Kryeministrin Berisha dhe kreun e opozitës, Rama për të gjetur pikëtakimet e mundshme, për të afruar palët drejt një marrëveshje dhe për të zgjidhur përfundimisht ngërçin politik të institucioneve shqiptare” theksohet në deklaratën e Presidencës ndersa theksohet se negociatat do te vazhdojne serish diten e neserme.
Ndërkaq është planifikuar që të gjitha rezultatet e takimeve të sotme të delegacionit të KiE të bëhen të ditura në një konferencë për shtyp, ditën e martë, në orën 10:30.

Ora: 17:02- Nis takimi përmbyllës në Presidencë
Ashtu sic ishte parashikuar, Delegacioni KiE ka mbërritur në Presidencë për të zhvilluar takimin përmbyllës në kuadër të bisedimeve me krerët e shtetit shqiptar për ti dhënë fund krizës politike që ka mbërthyer vendin prej disa muajsh.

Në selinë e Presidencës kanë hyrë edhe kryetari qeverisë i shoqëruar nga Astrit Patozi, dhe kryesocialisti i shoqëruar nga kreu i Asamblesë Kombëtare të PS Gramoz Ruci.
Takimi përmbyllës zhvillohet pas takimeve intensive mes delegacionit të KiE dhe krerëve kryesorë të shtetit, Berisha Topalli dhe se fundmi me zotin Rama

KiE çon sërish Berishën e Ramën në Presidencë
Gjatë takimit të pritshëm në orën 17:00, të delegacionit të KiE dhe kreut të shtetit Bamir Topi do të jenë të pranishëm edhe kryeministri Berisha e kreu i opozitës Rama. Lajmi konfirmohet nga burime zyrtare të Presidencës.
Delegacioni i Komisionit Evropian, i kryesuar nga Mevlut Çavusoglu, do të zhvillojë një takim përmbyllës në selinë e Presidencës, pas takimeve intensive të zhvilluara sot në Tiranë, me krerët kryesor, si Berisha, Topalli, Topi dhe Rama.

Axhenda e ngjeshur e delegacionit të KiE nisi rreth orën 9:15 me një takim në Presidencë me kreun e shtetit. Gjatë këtij takimi bisedimet u përqëndruan në zhvillimin e tryezës politike të bisedimeve mes mazhorancës dhe opozitës, nën drejtimin e Presidentit të Republikës, Bamir Topi.
Presidenti i Asamblesë Parlamentare të Këshillit Europian Mevlüt Çavusoglu vlerëson rolin e presidentit Topi si negociator mes palëve për zgjidhjen e krizës politike.

“Eshtë udhëheqësi dhe njeriu i parë në Shqipëri që ka zbatuar rezolutën e miratuar nga Asambleja e Përgjithshme e Këshillit të Evropës”- citohet ti jetë drejtuar zoti Çavusoglu presidentit Topi në takimin e zhvilluar sot paradite nga ora 09:15- 10: 15 minuta, në presidencë, duke iu referuar njoftimit zyrtar që zyra e shtypit e presidencës ka publikuar online.

Duke informuar për tryezën politike, Presidenti Topi ka nënvizuar para delegacionit të Strazburgut se palët kane vullnet politik për arritjen e një zgjidhje konstruktive duke iu referuar në mënyrë të veçantë pikave të rezolutës së Asamblesë Parlamentare të KiE.

Më pas axhenda vazhdoi me një sërë takimesh të rëndësishme me aktorët kryesorë të politikës shqiptare. Gjatë ditës delegacioni i APKE është takuar me kryetaren e Kuvendit Jozefina Topalli, me kryeministrin Berisha, dhe me socialist Edi Rama.

Delegacioni do mbyllë axhendën e takimeve sërish në presidencë rreth orës 17.00, ku do të cohen sërish në Presidencë Berisha e Rama.
Misioni i Këshillit të Evropës ka planifikuar që të gjitha rezultatet e takimeve t’i bëjë të ditura në një konferencë për shtyp, nesër ditën e martë, në orën 10:30.
(e.n/BalkanWeb)