Polonia ne zi, Presidenti dhe shume zyrtare vdesin ne aksident ajror

[Edmondi]

Përcillet presidenti polak, liderët botërorë nuk arrijnë dot në varrim.

VARSHAVE - Trupi i pajetë i presidentit polak, Leh Kazcinski, dhe ai i bashkëshortes së tij, kanë arritur në Krakov për varrim në Katedralen e këtij qyteti. Mirëpo, shumë liderë botërorë nuk do të mund të marrin pjesë në këtë ceremoni, për shkak të mbylljes së hapësirës ajrore në Evropë, që u shkaktua nga hiri vullkanik në Islandë.


Arkivolet me trupat e pajetë të presidentit të Polonisë, Leh Kazcinski, dhe të bashkëshortes së tij, të dielën nga Varshava kanë arritur në Krakov, për varrim në Katedralen historike të këtij qyteti.


Çifti bashkëshortor, që së bashku me 94 udhëtarë të tjerë polakë, humbën jetën nga rrëzimi i aeroplanit në Rusi, më 10 të këtij muaji, për herë të fundit është bartur ngadalë nëpër Varshavë.


Pastaj trupat e pajetë janë bartur me aeroplan ushtarak në Krakov.

Liderët botërorë janë të detyruar që të mos marrin pjesë në ceremoninë e varrimit të presidentit të Polonisë, Leh Kaçinski, për shkak të mbylljes së hapësirës ajrore në Evropë, të shkaktuar nga hiri vullkanik në Islandë.


Presidenti amerikan Barak Obama, kancelarja gjermane Angela Merkel, presidenti francez Nikollas Sarkozi, princi britanik Çarls, presidenti i Komisionit Evropian, Hoze Manuel Barroso dhe presidenti i Turqisë Abdullah Gyl, janë disa nga liderët, që kanë deklaruar se sot nuk do të jenë në gjendje të marrin pjesë në varrim në qytetin Krakov në Poloni.


Dje ne mesdite, u zhvilluan homazhe para trupit të pajetë të Presidentit të ndjere polak dhe 95 personave të tjerë që humbën jetën ne aksidentin e rënde të 10 prillit.

Qindra mijë polakë marrin pjesë në shërbimin përkujtimor në sheshin kryesor të Varshavës për të nderuar presidentin Leh Kaçinski, gruan e tij Maria, dhe shumë figura të njohura që vdiqën në rrëzimin e aeroplanit afër Smolenskut, ku ishin nisur për t'i nderuar viktimat e masakrës së polakëve në Luftën e Dytë Botërore.

Sirenat dhe këmbanat e kishave në mbarë Poloninë sot në 8:56 sipas kohës lokale e përkujtuan momentin e para një jave të rrëzimit të aeroplanit në Rusi, ku e humbën jetën presidenti polak dhe 95 të tjerë.

Automjetet në rrugët e Varshavës u ndaluan, ndërsa këmbësorët qëndruan të heshtur.

[Kallmeti & Lek Gjoka]

      
TRANSLATE Perktheje lajmin ne gjuhe te tjera
   
Postoje në facebook Postoje në Google Postoje në My Yahoo Web Postoje në Microsoft Life Postoje në reddit Postoje në delicious Postoje në wikio
Rajoni    
Poloni, trupi i Kazinski ne mesdite ne Varshave
MOSKE- VARSHAVE- Polonia nis sot javen e zisë kombëtare, ndersa në gjysmë shtize janë lëshuar të gjithë flamujt kombëtar per nder te presidentit Kazinski dhe delegacionit i cili humbi jeten ne aksidentin ajror te ndodhur dje ne Rusi.

Trupat e presidentit polak Leh Kazinski dhe të bashkëshortes Maria, të vdekur në një aksident ajror dje në Smolensk në Rusi, jane kthyer në Varshavë sot në orën 14:00 (12:00 GMT), njoftoi radioja publike polake Trojka.

"Ceremonia ushtarake e varrimit të presidentit dhe bashkëshortes do të bëhet në Smolensk.Trupat e tyre do të transportohen me një avion ushtarak Casa", deklaroi një korrespondent i radios në Rusi, duke shtuar se mbërritja është parashikuar për në orën "14:00".  Një zyrtar i presidencës polake i pranishëm në Smolensk dhe i cili preferoi të mbetej anonim i konfirmoi me telefon AFP sot se trupat e çiftit Kaczynski do të dërgohen në Varshavë gjatë ditës. Trupat e viktimave të tjerë do të dërgohen në Moskë, njoftoi agjencia ruse e shtypit Ria Novosti.

Dhjetëra mijëra persona ishin  mbledhur mbrëmë para pallatit presidencial në Varshavë, në shenjë homazhi për viktimat e aksidentit ajror në të cilën humbi jetën presidenti dhe delegacionit që e shoqëronte për të marrë pjesë në ceremonitë përkujtimore me rastin e 70-vjetorit të Masakrës së Katinit.

Avioni presidencial u përplas dje ndërsa ulej në Rusi. Zyrtarët rusë thanë se avioni mori flakë kur ndeshi në majat e pemëve kur po i afrohej aeroportit në qytetin perëndimor Smolensk. Avioni po fluturonte në një mot me mjegull të dendur. Lista e viktimave e publikuar në faqen e internetit të Ministrisë ruse të Situatës së Emergjencave përmbante sot 96 persona, ndër të cilët 88 pasagjerë dhe tetë anëtarë ekuipazhi.Dje, ajo kishte 97 persona. 88 prej tyre ishin anëtarë të një delegacioni të qeverisë polake me pjesëmarrjen zyrtarëve të lartë civilë dhe ushtarakë polakë.

Jaroslav Kazinski ka identifikuar trupin e vëllait binjak, presidentit polak Leh Kazinski, i cili humbi jetën dhe nga rrëzimi i aeroplanit presidencial kur po i afrohej aeroportit të Smolenskut, qytet në perëndim të Rusisë. Lajmi është bërë i ditur nga Ria Novosti, e cila citon deputetin polak Maks Krazkovski. “Po trupi është identifikuar nga i vëllai”- ka thënë deputeti pasi është marrë në pyetje nga agjencia e lajmeve ruse. Jaroslav Kazinski ka shkuar vetë në vendin e aksidentit ku mbetën të vdekur 96 persona, ku i ishte bashkuar dhe kryeministri polak Donald Tusk, i cili më pas është rikthyer në Varshavë.

Vendi i ngjarjes është vizituar edhe nga kryeministri rus, Vladimir Putin i cili së bashku me homologun polak do të drejtojnë hetimet për të hedhur dritë mbki tragjedinë. Mësohet se dy kryeministrat kanë folur për pak kohë së bashku dhe me hetuesit e tjetër të cilët ndodheshin në vendngjarje dhe po punonin për nxjerrjen e trupave nga mbetjet e avionit.

Ekspertët e Rusisë dhe Polonisë kanë filluar analizimin e përbashkët të kutisë së zezë nga aeroplani i rrëzuar polak, bëjnë të ditur agjencitë ruse të lajmeve.Por shefi i Komitetit hetues të Prokurorisë Shtetërore të Rusisë, Aleksandër Bastrikin, ka deklaruar se ekuipazhi i aeroplanit nuk kishte respektuar rekomandimin e kontrollit të fluturimit që të mos ateronte në aeroportin në Smolensk.

(Suela Gera/BalkanWeb)

[Kallmeti & Lek Gjoka]

Polonia ne zi, Presidenti dhe shume zyrtare vdesin ne aksident ajror
10/04/2010 15:00

Polonia ne zi, Presidenti dhe shume zyrtare vdesin ne aksident ajror
Presidenti polak, Kazinski, bashkëshortja e tij, Maria, dhe një numër zyrtarësh të lartë të Polonisë, humbën jetën nga rrëzimi i avionit me të cilin udhëtonin, ndërsa i afroheshin aeroportit të Smolenskut, qytet në perëndim të Rusisë. (UPDATE)

Avioni me mbi 90 persona në bord është përplasur ndërsa përpiqej të ulej në një mot gjithë mjegull. Të gjithë personat që gjendeshin në aeroplanin e tipit Tu-154 kanë vdekur.

Në mesin e viktimave janë dhe guvernatori i Bankës Qendrore të Polonisë, Sllavomir Skrzipek, shefi i shtabit të ushtrisë, gjeneral Francizek Gagor, dhe zëvendësministri i jashtëm, Andrzej Kremer.

Kazinski po udhëtonte drejt Rusisë për të marrë pjesë në ceremonitë përkujtimore me rastin e 70-vjetorit të masakrës së Katinit.

Gjatë Luftës së Dytë Botërore mijëra oficerë dhe intelektualë polakë u ekzekutuan në pyllin e Katinit nga policia sekrete sovjetike dhe forcat e Ushtrisë së Kuqe.

Televizionet ruse kanë dhënë pamje të qindra njerëzve të mbledhur te monumenti që kujton viktimat e Masakrës së Katinit, duke mbajtur flamuj polakë.

Kazinski, 60 vjeç, u zgjodh president në vitin 2005, pasi mundi në zgjedhjet presidenciale kryeministrin aktual, Donald Tusk. Kazinski kishte deklaruar se do të garonte për një mandat të dytë presidencial në zgjedhjet e parashikuara për në vjeshtë.

Aeroplani Tu-154 i prodhimit rus, që përdorej për delegacionet zyrtare polake, ishte 20 vjet i vjetër. Sipas Agjencisë së Sigurisë së Aviacionit, ka pasur 66 aksidente të aeroplanëve Tu-154, gjashtë prej të cilave kanë ndodhur në pesë vjetët e fundit.