Daniel Gàzulli Rrëmaji *

[Kallmeti & Lek Gjoka]

Nga: Daniel Gàzulli

Rrëmaji *
         Kushtue...“Një monument nën dhe”... nga Fritz Radovani
   
Një  gumzhimë e mnerëshme
prej Rrëmajit del
e merr për ajrì Alpeve.
Mandej përplaset fort
e kthen
ku njerëzit kalamendë,
ligshtue prej lëngatës së gjatë,
i trandë ajo piskamë,
që po i thërret
me u zgjue
e me u mbledhë
aty prej nga vjen gjama:
Në Rrëmaji.
Aty
me ba bè në Kryqa
se nuk kanë ma me ia lëshue
zezanen Shkodër
gjaksorëve,
që e shkallmuen në trup
e në shpirt
me drapën e çekan.

Një gumzhimë e mnerëshme
prej Rrëmajit del
e merr zemrat e njerëzve:

Asht kushtrimi
I  Fatosave
flijue për Atdhe...
që paqë nuk gjejnë,
tradhëtue idealesh –
e gjamën mnershëm lëshojnë
nga ai Monument.

 * Vorrezat katolike,
Shkodër, 2010.